वनविभागाच्या जलद बचाव पथकाकडून डिगस गावात वानर पकडण्याची मोहीम ; शेतीची नुकसानी करणारे 1200 पेक्षा जास्त वानर पकडून नैसर्गिक अधिवासात सोडले
कुडाळ : कुडाळ मालवण विधानसभा मतदारसंघाचे आमदार निलेश राणे यांनी नागपूर हिवाळी अधिवेशनात सिंधुदुर्ग जिल्ह्यात माकडांनी घातलेला उपद्रव व शेतकरी बांधवांचे होत असलेले शेतीचे नुकसान या संदर्भात भुमिका मांडली होती. याची दखल घेत आजपर्यंत किमान १२०० पेक्षा जास्त माकडांना पकडून नैसर्गिक अधिवासात सोडण्यात यश आले याधर्तीवर १६ जानेवारी २०२५ रोजी कुडाळ तालुक्याच्या डिगस गावात प्रथमच माकड पकडण्याची मोहीम गावठणवाडी येथे शंभू गणू पवार, सोमदत्त पांडुरंग पवार, रुपेश जीवबा पवार व जयेश सुभाष पवार यांच्या घराशेजारी ही मोहीम राबविताना डिगस उपसरपंच मनोज पाताडे यावेळी ग्रामस्थ सुजन पावसकर व महेश शेडगे उपस्थित होते.
वनविभाग सावंतवाडी व वनपरीक्षेत्र कडावल अंतर्गत वनक्षेत्रपाल कटके यांच्या मार्गदर्शनाखाली वनविभाग जलद बचाव पथक मोहीम अनिल गावडे, वैभव अमृस्कर, दिवाकर बांबर्डेकर, प्रसाद गावडे यांच्याकडुन सदरच्या मोहीमेत एकूण १५ माकडं पकडण्यात यश आले.
