आमदार निलेश राणे यांची प्रमुख उपस्थिती
शिवसेना, भाजपा पदाधिकारी, लोकप्रतिनिधी व राष्ट्रप्रेमी नागरिकांचा असणार सहभाग
कुडाळ | प्रतिनिधी : स्वातंत्र्यदिनाच्या पार्श्वभूमीवर देशभक्तीचा उत्साह जागविण्यासाठी कुडाळ येथे गुरुवार, १३ ऑगस्ट रोजी भव्य तिरंगा रॅलीचे आयोजन करण्यात आले आहे. पंचायत समिती, कुडाळ येथून सकाळी ९.३० वाजता या रॅलीला सुरुवात होणार आहे.
या तिरंगा रॅलीमध्ये कुडाळ-मालवण विधानसभा मतदारसंघाचे आमदार निलेश राणे, शिवसेना जिल्हाप्रमुख दत्ता सामंत, भाजपा जिल्हाध्यक्ष प्रभाकर सावंत यांसह शिवसेना व भाजपा पदाधिकारी, लोकप्रतिनिधी तसेच मोठ्या संख्येने राष्ट्रप्रेमी नागरिक सहभागी होणार आहेत.
रॅलीदरम्यान देशभक्तीपर घोषणांनी कुडाळ शहर दुमदुमणार आहे. नागरिकांनी मोठ्या संख्येने सहभागी होऊन राष्ट्रीय एकात्मता, देशभक्ती आणि तिरंग्याप्रती असलेला आदर व्यक्त करावा, असे आवाहन करण्यात येत आहे.
स्वातंत्र्यदिन हा प्रत्येक भारतीयासाठी अभिमानाचा दिवस असून, या पार्श्वभूमीवर तिरंगा रॅलीच्या माध्यमातून देशभक्तीची भावना अधिक दृढ करण्याचा आणि नागरिकांमध्ये राष्ट्रीय एकात्मतेचा संदेश पोहोचविण्याचा प्रयत्न करण्यात येणार आहे.
शिवसेना, भाजपा महायुती पदाधिकारी व लोकप्रतिनिधी आणि राष्ट्रप्रेमी नागरिकांनी या रॅलीत उत्स्फूर्तपणे सहभागी व्हावे, असे आवाहन करण्यात आले आहे.
