शिवसेना जिल्हाप्रमुख दत्ता सामंत यांच्या हस्ते उद्घाटन सोहळा संपन्न
मालवण : आचरा वरचीवाडी येथील भगवंतगड फाटा येथे नव्याने उभारण्यात आलेल्या ‘गांवकर बंधूंच्या मालवणी ढाबा’ या हॉटेलचे उद्घाटन उद्योजक तथा शिवसेना जिल्हाप्रमुख दत्ता सामंत यांच्या हस्ते उत्साहात करण्यात आले. ज्येष्ठ सहकारी तथा चिंदर गावच्या माजी सरपंच श्रीमती सुषमा गावकर यांच्या हे हॉटेल असून, या नव्या व्यवसायाच्या प्रारंभाबद्दल उपस्थितांनी त्यांना शुभेच्छा दिल्या.
या उद्घाटन सोहळ्याला जिल्हा परिषद सदस्य वर्षा सांबारी, शिवसेना उपजिल्हाप्रमुख महेश राणे, आजरा सरपंच जेरोन फर्नांडिस, आचरा उपसरपंच संतोष मिराशी, विभागप्रमुख संतोष कोदे, बाबू परुळेकर, अभय भोसले, चिंदर विभागप्रमुख भाऊ हडकर, मनोज हडकर, दत्ता वराडकर, अनिल करंजे, वायंगणी सरपंच रुपेश पाटकर आणि रावजी सावंत यांच्यासह विविध क्षेत्रांतील मान्यवर उपस्थित होते.
परिसरातील व्यावसायिक क्षेत्रात नव्या उपक्रमाची भर पडली असून, उपस्थितांनी गांवकर कुटुंबीयांना पुढील व्यावसायिक वाटचालीसाठी शुभेच्छा दिल्या.
