स्काय न्यूज टुडे | आचरा : चिंदर गावचा मानबिंदू असलेल्या किल्ले भगवंतगड येथे चिंदर सेवा संघाच्या वतीने चिंदरवासियांच्या सहकार्यांने बुधवार १९ फेब्रुवारी रोजी शिवजयंती सोहळा साजरा करण्यात येणार आहे.
शिवजयंती सोहळ्यासाठी सरपंच नम्रता पालकर, उपसरपंच दिपक सुर्वे, चिंदर सेवा संघ अध्यक्ष प्रकाश मेस्त्री, ग्रामपंचायत सदस्य केदार परुळेकर, त्रिंबक हायस्कूल माजी मुख्याध्यापक हेमांगी खोत, चिंदर केंद्राचे माजी केंद्रप्रमुख प्रसाद चिंदरकर, केंद्रप्रमुख राजेंद्र गाड, सर्व ग्रामपंचायत सदस्य, शिक्षक वर्ग, शिवप्रेमी, समस्त चिंदरवासियांच्या उपस्थितीत शिवजयंती उत्सव साजरा होणार आहे. यावेळी चिंदर गावातील विद्यार्थ्यांची शिवकालीन ऐतिहासिक प्रसंग यावर कथाकथन स्पर्धा होणार आहे. चिंदर सेवा संघाच्या वतीने सहा वर्षे शिव जयंती सोहळा साजरा केला जात आहे.
