मालवण | प्रतिनिधी : मालवण तालुका शिवसेनेचा मेळावा बुधवारी ३० ऑक्टोबर सकाळी १० वाजता जानकी मंगल कार्यालय कुंभारमाठ येथे आयोजित करण्यात आला आहे. या मेळाव्याला कुडाळ मालवण विधानसभा मतदार संघ महायुतीचे शिवसेना उमेदवार निलेश राणे यांची प्रमुख उपस्थिती असणार आहे.
या मेळाव्यात निलेश राणे यांचा विशेष सत्कार करण्यात येणार आहे. तर शिवसेना उपनेते संजय आग्रे, जिल्हाप्रमुख दत्ता सामंत, कुडाळ कणकवली विधानसभा समन्वयक महेश कांदळगावकर, उपजिल्हाप्रमुख राजा गावडे यांचा नियुक्तीपर सत्कार होणार आहे. तरी शिवसेनेच्या सर्व पदाधिकारी, कार्यकर्त्यांनी यावेळी उपस्थित राहावे. असे आवाहन शिवसेना तालुकाप्रमुख राजा गावकर, महेश राणे यांनी केले आहे.
