सिंधुदुर्ग : महाराष्ट्र विधानसभा अध्यक्ष राहुल नार्वेकर हे उद्या दि. 17 जानेवारी 2025 रोजी सिंधुदुर्ग जिल्हा दौऱ्यावर येत आहेत.
शुक्रवार दि. 17 जानेवारी 2025 रोजी सकाळी 10.05 वाजता मोपा विमानतळ , गोवा येथे आगमन होणार आहे. दुपारी 12 वाजता मोटारीने मातोंड, ता. सावंतवाडीकडे निघणार आहेत. त्यानंतर दुपारी 12.30 वाजता मातोंडा ता. सावंतवाडी येथे आगमन व देवस्थान सदिच्छा भेट घेतल्यानंतर दुपारी 3 वाजता मातोंडा, ता. सावंतवाडी येथून मोटारीने माडखोल सावंत फार्म ॲण्ड अग्रो टुरिझम, सावंतवाडीकडे प्रयाण व या ठिकाणी आयोजित केलेल्या सिंधुदुर्ग प्रेस क्लब वार्षिक पुरस्कार वितरण सोहळा कार्यक्रमास उपस्थित राहणार आहेत. त्यानंतर सायं. 5 वाजता पेंडूर ता. मालवण येथे . श्री. वेताळ देवस्थान ट्रस्ट, पेंडूर आयोजित देवीचा त्रैवार्षिक मांड उत्सव कार्यक्रमास उपस्थित राहणार आहेत. सायं. 6.30 वाजता पेंडूर ता. मालवण येथून मोटारीने मोपा विमानतळ गोवाकडे निघणार आहेत.
