बांधकाम विभागाने डांबरीकरण करून खड्डे बुजवले
माजी नगरसेवक दीपक पाटकर यांनी वेधले होते लक्ष
मालवण | प्रतिनिधी : मालवण शहरातील पिंपळपार ते भरड नाका हा मुख्य रस्ता खड्डेमय बनला होता. अपघातांचा धोका निर्माण झाल्याने डांबरीकरण करून रस्ता खड्डे मुक्त करावा. अशी मागणी माजी नगरसेवक दीपक पाटकर यांनी केली होती. त्यानुसार सार्वजनिक बांधकाम विभागाचे सहाय्यक अभियंता अजित पाटील यांनी तात्काळ डांबरीकरण करून रस्ता खड्डेमुक्त केला. याबाबत दीपक पाटकर यांनी नागरिकांच्या वतीने बांधकाम विभागाचे आभार मानले.
आमदार निलेश राणे यांच्या रूपाने हक्काचे आणि कार्यतत्पर आमदार जनतेला लाभले आहेत. त्यामुळे मालवण शहरातील विकासकामे, मुख्य रस्तेही मार्गी लागणार आहेत. प्रशासनाने लक्षात घ्यावे आता येथील आमदार निलेश राणे आहेत जे जनतेच्या प्रश्नांना प्राधान्य देतात. येथील खासदार राणे साहेब आहेत. हे लक्षात घेता प्रशासनाने गती पकडावी. आमदार निलेश राणे, खासदार नारायण राणे यांच्या माध्यमातून सर्व प्रश्न सोडवण्यासाठी आम्ही शिवसेना जिल्हाप्रमुख दत्ता सामंत यांच्या मार्गदर्शनाखाली तत्पर आहोत. असे माजी नगरसेवक दीपक पाटकर यांनी सांगितले.
फोटो : मालवण शहरातील मुख्य रस्ता डांबरीकरण करून खड्डेमुक्त करण्यात आला. (अमित खोत, मालवण)
