आमदार निलेश राणे यांची सामाजिक न्याय मंत्री ना. संजय शिरसाठ यांच्याकडे लेखी पत्राद्वारे मागणी
मालवण | प्रतिनिधी : अनुसूचित जमाती प्रमाणपत्र तपासणी समिती सह आयुक्त कोकण विभाग श्री. दिनकर पावरा यांची तातडीने बदली करून सक्षम अधिका-याची नियुक्ती करण्यास निर्देश द्यावेत. याबाबत पत्र आमदार निलेश राणे यांनी सामाजिक न्याय मंत्री ना. संजय शिरसाठ यांना दिले आहे.
सिंधुदूर्ग जिल्ह्यातील जात पडताळणी समितीचे काम अत्यंत दिरंगाईने व अडवणुकीने सुरू असुन त्याचा त्रास येथील लोकप्रतिनिधी, ठाकर समाजातील विद्यार्थ्यांना व शासकीय कर्मचा-यांना होत आहे. अनुसूचित जमाती प्रमाणपत्र तपासणी समिती (सह आयुक्त) कोकण विभाग श्री. दिनकर पावरा हे जाणीवपूर्वक अडवणुक करून जात वैधता प्रमाणपत्र देण्याबाबत दिरंगाई करत असल्याने त्यांच्या विरोधात अनेक तक्रारी येत असून त्यांच्या या वृत्तीमुळे विद्यार्थ्यांच्या भविष्याचे नुकसान होत आहे.
तरी अनुसूचित जमाती प्रमाणपत्र तपासणी समिती सह आयुक्त कोकण विभाग श्री. दिनकर पावरा यांची तातडीने बदली करून सक्षम अधिका-याची नियुक्ती करण्यास निर्देश द्यावेत. असे निवेदन पत्रात म्हटले आहे.
