आमदार निलेश राणे यांची महाराष्ट्र सागरी मंडळ अधिकाऱ्यांसोबत मुंबईत बैठक
मालवण जेट्टी ते दांडी येथे मारिन ड्राइव्ह धर्तीवर बंधारा : तर यापुढे रस्ता कम बंधारे यांना असणार प्राधान्य
मालवण | प्रतिनिधी : आमदार निलेश राणे यांची महाराष्ट्र सागरी मंडळ (मेरिटाइम बोर्ड) अधिकाऱ्यांसोबत मुंबई येथे बैठक पार पडली. मालवण किनारपट्टीवर बंधारा उभारणी कश्या पद्धतीने असावी, कुठल्या गोष्टींना सर्वाधिक प्राधान्य असावे याबाबत सकारात्मक चर्चा झाली.
या बैठकीत देवबाग संगम येथे अत्याधुनिक पद्धतीचा 'ग्रोयसं' बंधारा उभारणी करणे, पर्यटण वाढीसाठी मालवण जेट्टी ते दांडी पर्यंत मरीन ड्राईव्हच्या धर्तीवर पर्यटकांच्या सुविधेसाठी प्रॉमिनाड्स बांधकाम करणे. तसेच इथून पुढे भविष्याच्या गर्दीचा अंदाज घेऊन फक्त बंधारा नाही तर रस्ता कम बंधारा असं काम हाती घेतलं पाहिजे असं ठरवण्यात आलं.
या कामांसंदर्भात तसेच इतर अनेक प्रलंबित व प्रस्तावित विकासकामांबाबत सकारात्मक चर्चा झाली आहे.
एकूणच जनतेच्या मागणीला सर्वाधिक प्राधान्य देत आमदार निलेश राणे गतिमान पणे प्रत्येक विकासकाम मार्गी लावत आहेत. याबाबत जनतेतुन समाधान व्यक्त होत आहे.
