भटके कुत्रे आणि मोकाट जनावरे याबाबत पालिका प्रशासनाकडून कार्यवाही सुरु
मालवण | प्रतिनिधी : मालवण नगरपरिषद हद्दीतील भटक्या कुत्र्यांना पकडणे व त्यावर निर्बीजीकरणाची शस्त्रक्रिया करणे व औषधोपचार करून त्यांना त्यांच्या अधिवासात सोडणे. तसेच मालवण नगरपरिषद हद्दीतील मोकाट गुरे पकडणे. यासाठी एजन्सी नियुक्त करणे या कामासाठी मालवण नगरपरिषद प्रशासनाकडून निविदा प्रसिद्ध करण्यात आली आहे.
दहा दिवसांपूर्वी आमदार निलेश राणे यांनी मालवण नगरपरिषद येथे आढावा बैठक घेत विविध विषय मांडले. जन हिताचे जे निर्णय असतील ते तात्काळ घ्या अश्या सूचना आ. निलेश राणे यांनी प्रशासनास दिल्या होत्या. त्यापैकी काही विषय तात्काळ मार्गी लागले. तर काही प्रगतीपथावर आहेत. त्यापैकी भटके कुत्रे आणि मोकाट जनावरे याबाबत पालिका प्रशासनाने कार्यवाही सुरु केली आहे. याबाबत नागरिकांमधून समाधान व्यक्त केले जात आहे.
