राजमाता जिजाऊ व क्रांतीज्योती सावित्रीबाई फुले संयुक्त जयंती महोत्सव

फुले शाहू आंबेडकर विचारमंच महिला विभाग, मालवण यांच्या वतीने 12 जानेवारीला आयोजन

मालवण | प्रतिनिधी : फुले शाहू आंबेडकर विचारमंच महिला विभाग, मालवण यांच्या वतीने राजमाता जिजाऊ व क्रांतीज्योती सावित्रीबाई फुले यांची संयुक्त जयंती महोत्सव दि. १२ जानेवारी रोजी मालवण एसटी स्टॅन्ड मागील समाज मंदिर येथे आयोजित करण्यात आला आहे.

यानिमित्त सायंकाळी जाहीर सभा होणार असून प्रमुख वक्ते कृष्णान्त स्वाती हे वसा जिजाऊचा ध्यास समता सन्मानाचा या विषयावर व्याख्यान देणार आहेत. तर सायंकाळी ६. ३० वा. महाराष्ट्र अंधश्रद्धा निर्मूलन समिती कोल्हापूर यांच्यावतीने अंधश्रद्धा निर्मूलन करणारे विनोदी नाटक
'ऐसे कैसे झाले भोंदू' हे चमत्कार, सादरीकरणासह सादर होणार आहे. रात्री ९ वा. भोजन दान होणार आहे. तरी या कार्यक्रमास उपस्थित राहावे, असे आवाहन फुले शाहू आंबेडकर विचारमंच महिला विभागाच्या अध्यक्षा नेहा तांबे, सचिव निकिता मालवणकर यांनी केले आहे.