भाऊ भोगले | बागायत : शासनाने होऊ घातलेल्या नवीन शिक्षण धोरणाची अंमलबजावणी लवकरच सुरू होणार आहे, आणि याचाच विचार करून लँड अ हॅन्ड इंडिया पुणे या संस्थेने देशभरातील विविध राज्यात NEP (नॅशनल एज्युकेशन पॉलिसी ) प्रोग्राम रबिण्यास सुरुवात केली आहे. आणि या NEP विषयाचे प्रशिक्षण पुणे येथे ऑगस्ट महिन्यात देण्यात आले. या प्रशिक्षण कार्यक्रमात महाराष्ट्रातील चार शाळा समाविष्ट करण्यात आल्या होत्या आणि त्यामधील सिंधुदुर्ग जिल्ह्यातून एकमेव श्री देवी शांतादुर्गा हायस्कूल वडाचापाटची निवड करण्यात आली .या प्रशिक्षणासाठी वडाचापाट हायस्कूल चे मल्टीस्किल असिस्टंट टेक्निशियन विषयाचे अभियांत्रिकी विभागाचे निदेशक श्री जगन्नाथ शामसुंदर आंगणे यांची नेमणूक करून त्यांना प्रशिक्षित करण्यात आले.
सप्टेंबर 2024 पासून श्री देवी शांतादुर्गा हायस्कूल वडाचापाट येथे इयत्ता नववी साठी NEP विषय शिकवायला सुरुवात झाली असून या विषयाला विद्यार्थ्यांनी चांगली पसंती दर्शविली आहे या विभागांतर्गत प्रामुख्याने पुढील विषय शिकवीले जात आहेत .१) आरोग्य सेवेची ओळख २) मेकॅट्रॉनिक्सची ओळख व ३)शेतीची ओळख
या विषयासाठी लागणारे सर्व साहित्य , पुस्तके ,प्रशिक्षणाचा प्रवासासहित खर्च लेंड अ हॅन्ड इंडिया पुणे या संस्थेने केला आहे.
NEP विषयाचा पायलट प्रोग्राम म्हणून श्रीदेवी शांतादुर्गा हायस्कूल वडाचापाट ची निवड झाल्याबद्दल भंडारी एज्युकेशन सोसायटी मालवण मुंबई चे अध्यक्ष श्री विजय पाटकर ,चेअरमन श्री सुधीर हरेकर, ऑनररी जनरल सेक्रेटरी श्री साबाजी करलकर ,सह खजिनदार श्री अभिमन्यू कवठणकर, संस्थेचे कार्यकारी अधिकारी श्री वामन खोत प्रशालेचे मुख्याध्यापक श्री प्रसाद कुबल सर्व शिक्षक ,निदेशक व शिक्षकेतर कर्मचारी यांनी लँड अ हँड इंडिया संस्थेचे आभार मानले व NEP कार्यक्रमाला शुभेच्छा दिल्या.
वडाचापाट हायस्कूल मध्ये शासनाने होऊ घातलेला NEP विषयाचा पायलट प्रोजेक्ट सुरू
