आचरा : विद्यार्थी घडविताना त्यांच्या मनातील खेळाडू ओळखून त्याप्रमाणे त्यांना आवश्यक सुविधा उपलब्ध करून दिल्यास भविष्यात आपल्या भागातून नावलौकिक प्राप्त खेळाडू बनण्यास वेळ लागणार नाही असे प्रतिपादन आमदार निलेश राणे यांनी न्यू इंग्लिश स्कूल आचरा येथे केले. मालवण तालुकास्तरीय शालेय बाल कला क्रीडा व ज्ञानी मी होणार महोत्सवाचे उद्घाटन प्रसंगी न्यू इंग्लिश स्कूल आचरा येथे केले आमदार निलेश राणे यांच्या हस्ते संपन्न झाले यावेळी ते बोलत होते.
यावेळी व्यासपीठावर उद्योजक तथा शिवसेना जिल्हाप्रमुख दत्ता सामंत,धी आचरा पीपल्स असोसिएशन संस्थेचे कार्याध्यक्ष प्रदिप परब मिराशी, आचरा उपसरपंच संतोष मिराशी, संतोष साटविलकर, गट शिक्षणाधिकारी संजय माने, बी एम एस कॉलेज चेअरमन संजय मिराशी, डॉ प्रमोद कोळंबकर महेश परब, जयप्रकाश परुळेकर, अर्जुन बापर्डेकर यांसह सर्व केंद्र प्रमुख, मुख्याध्यापक, शिक्षक पालक विद्यार्थी आदी उपस्थित होते.
आमदार झाल्यानंतर पहिल्यांदाच आचरा हायस्कूल येथे कार्यक्रमाला जाण्याचा योग आला. धी आचरा पीपल्स या संस्थेला १०८वर्ष झालीत. इतकी वर्षे ही संस्था विद्यार्थ्यांच्या हिताचे काम करत आहे हे कौतुकास्पद असल्याचे त्यांनी सांगितले. यावेळी आ. निलेश राणे यांनी संस्थेच्या हितासाठी सर्व तो परी सहकार्य करण्याची ग्वाही दिली.
