मालवण | प्रतिनिधी : आचरा वरचीचावडी येथील सलून व्यावसायिक महेश अनंत आचरेकर (५०) यांचा मृतदेह मालवण बंदरजेटी समुद्रकिनारी बुधवारी सकाळी सापडून आला. सोशल मिडीयावर मृतदेहाबद्दल माहिती आल्यानंतर आचरेकर यांची ओळख पटली. नातेवाईक आल्यानंतर मृतदेह त्यांच्या ताब्यात देण्यात आला. त्यांच्या पश्चात पत्नी, मुलगा, मुलगी, भाऊ, भावजया, पुतणे, पुतण्या, काकी, काका असा परीवार आहे.
आचरे गावात १५ डिसेंबर रोजी गावपळण असल्याने गावातील सर्व लोक गाव सोडुन दुसरीकडे राहायला गेले आहेत. तसेच महेश अनंत आचरेकर हे त्यांच्या कुटुंबासोबत वायरी, मालवण याठिकाणी राहायला गेला होते. त्यांना फिट येण्याची सवय होती. अशातच बाहेर समुद्र किनारी गेले असता फीट येऊन समुद्राच्या पाण्यात पडल्याने बुडून मृत्यू झाल्याची शक्यता वर्तविण्यात येत आहे. याबाबत पोलीसांनी आकस्मित मृत्यू म्हणून नोंद केली आहे. आचरेकर यांच्यावर मालवणमध्येच अंत्यसंस्कार करण्यात आले. नाभिक समाजाचे माजी तालुकाध्यक्ष आनंद आचरेकर यांचे ते चुलत भाऊ होत.
