अदित्य बटावले | सावंतवाडी : गुलाबराव गावडे यांची चौकुळ सरपंच पदी बिनविरोध निवड करण्यात आली आहे. सरपंच सुरेश शेटवे यांनी राजीनामा दिल्यामुळे सर्वांच्या एकमताने गुलाबराव गावडे यांची निवड करण्यात आली.विकासाचा बाबतीत कायमच आघाडीवर असलेल्या चौकुळ गावात गुलाबराव गावडे यांनी गावातील ग्रामस्थांना सोबत घेत विविध सामाजिक उपक्रम राबवले. लुपिन फाउंडेशनच्या माध्यमातून त्यांनी आठवडा बाजाराची प्रथमच सर्वात चौकुळ गावात केली. तसेच पर्यटन संस्थे मार्फत चौकुळ गाव ग्रामीण पर्यटनासाठी जगाच्या नकाशावर नाव रूपाला आणला. उच्चशिक्षित गुलाबराव गावडे यांच्याकडून गावच्या विकासाबाबत अनेक अपेक्षा ग्रामस्थांकडून आहेत व त्या ते नक्कीच पूर्ण करतील. त्यांच्या या निवडीबद्दल आंबोली पंचायत समिती मतदार संघातील सर्व भाजप महायुती कार्यकर्ते व ग्रामस्थांनी त्यांचे अभिनंदन केले.
गुलाबराव गावडे यांची चौकुळ सरपंचपदी बिनविरोध निवड
