नगराध्यक्ष पदासाठी अद्याप एकही उमेदवारी अर्ज दाखल नाही
मालवण : आगामी मालवण नगरपरिषद निवडणुकीसाठी उमेदवारी अर्ज दाखल करण्याची प्रक्रिया आता अंतिम टप्प्यात असून, पाचव्या दिवशी विविध राजकीय पक्ष आणि अपक्ष उमेदवारांनी अर्ज दाखल केले आहेत. यात पाचव्या दिवशी एकूण १२ उमेदवारी अर्ज नगरसेवक पदासाठी दाखल झाले आहेत. सर्व उमेदवारी अर्ज नगरसेवक पदासाठी दाखल झाले आहेत.
दाखल झालेल्या अर्जांमध्ये शिवसेना (उबाठा) पक्षाचे ८, कॉँग्रेस पक्षाचे २, भारतीय जनता पक्षाचा (भाजप) १ आणि अपक्ष १ असे उमेदवारी अर्ज आहेत.
प्रभाग क्र. १ अ या जागेसाठी कॉँग्रेस तर्फे संदेश कोयंडे तर प्रभाग क्र. १ ब या जागेसाठी शिवसेना उबाठा कडून पूजा जोगी, प्रभाग क्र. ६ अ या जागेसाठी शिवसेना उबाठा मधून महेश जावकर तर प्रभाग क्र. ६ ब या जागेसाठी शिवसेना उबाठा कडून स्मिता सळमळकर तर अपक्ष श्वेता सळमळकर, प्रभाग क्र. ७ ब या जागेसाठी शिवसेना उबाठा कडून गौरी मायेकर, प्रभाग क्र. ८ अ या जागेसाठी शिवसेना उबाठा तर्फे मंदार ओरसकर तर प्रभाग क्र. ८ ब या जागेसाठी कॉँग्रेस कडून रूपाली सकपाळ, प्रभाग क्र. ९ अ या जागेसाठी भाजपा मधून पंकज सादये, शिवसेना उबाठा तर्फे निलेश दूधवडकर, प्रभाग क्र. ९ ब या जागेसाठी शिवसेना उबाठा कडून माधुरी प्रभू, प्रभाग क्र. १० अ मधून शिवसेना उबाठा कडून तपस्वी मयेकर यांनी आपले उमेदवारी अर्ज निवडणूक निर्णय अधिकारी यांच्या जवळ सादर केले.
मालवणात चौथ्या दिवशी तीन उमेदवारी अर्ज दाखल
काल ठाकरे शिवसेनेने तीन उमेदवारी अर्ज दाखल केले होते. यात प्रभाग २ अ मधून उमेश पुरुषोत्तम मांजरेकर आणि २ ब मधून अनिता पॉली गिरकर यांनी उमेदवारी अर्ज दाखल केला. तर प्रभाग ३ अ मधून ठाकरे शिवसेनेतर्फे उमेश अरविंद चव्हाण यांनी उमेदवारी अर्ज दाखल केला होता.
१७ नोव्हेंबर उमेदवारी अर्ज दाखल करण्याची अंतिम तारीख आहे. तर २ डिसेंबर २०२५ रोजी मतदान होणार आहे.
