जाण्या येण्यासाठी तो मार्ग बंद झाल्यामुळे मत्स्य विक्रेत्या महिला व नागरिकांना त्रास
माजी नगरसेवक पंकज सादये यांनी वेधले पालिका प्रशासनाचे लक्ष
मालवण : मालवण मच्छिमार्केटचा लोखंडी दरवाजा मोडलेल्या व धोकादायक स्थितीत पडून असल्यामुळे तो मार्ग जाण्या येण्यासाठी बंद झाला आहे. त्यामुळे मत्स्य विक्रेत्या महिला व नागरिकांना त्रास सहन करावा लागत आहे. तरी तात्काळ याबाबत कार्यवाही करून मार्ग खुला व्हावा. धोकादायक स्थितीतील हा दरवाजा काढून त्याची दुरुस्ती करावी अथवा नवीन उभारणी व्हावी. अशी मागणी माजी नगरसेवक पंकज सादये यांनी मालवण नगरपरिषद प्रशासनाचे लक्ष वेधून केली आहे. दरम्यान, पालिका प्रशासनाने त्याठिकाणी जाऊन पाहणी केली असून त्वरित कार्यवाही केली जाईल असे सांगितले आहे.
मालवण मच्छीमार्केट दरवाजा मोडलेल्या स्थितीत
