चिवला बीच येथे नागरिकांनी व्यक्त केला तीव्र संताप
अज्ञाता विरोधात पोलीस ठाण्यात गुन्हा दाखल
मालवण | प्रतिनिधी : मालवण चिवला बीच येथील ख्रिस्ती धर्मियांच्या सांताक्रुज उपासना स्थानावरील पवित्र क्रॉस व शेजारील फातिमा मातेची स्थापित प्रतिमा रात्री अज्ञात समाजकंटकाकडून मोडतोड करून फेकून देण्यात आली.
हे दुषकृत्य केवळ ख्रिस्ती धार्मियांच्याच नव्हे तर अगदी इतिहासकाळा पासून मालवणात गुण्यागोविंदाणे एकत्रितपणे रहात आलेल्या सर्व धार्मियांच्या नजरेतून ही धक्कादायक व निषेधार्हच आहे. असे निवेदन फादर यांच्या वतीने नागरिकांच्या उपस्थितीत पोलीसांना देण्यात आले.
याबाबत मालवण पोलीस ठाण्यात तक्रार दाखल करण्यात आली. पोलिसांनी पंचनामा करत अज्ञाता विरोधात गुन्हा दाखल केला असून पुढील तपास सुरु आहे. अशी माहिती सहाय्यक पोलीस निरीक्षक गणेश माने यांनी दिली.
दरम्यान, या प्रकाराबद्दल ख्रिस्ती बांधवांसह मालवणतील सर्वपक्षीय प्रतिनिधी तसेच नागरिकांनी चिवला बीच पवित्र क्रॉस ठिकाणी एकत्र येत तीव्र संताप व्यक्त केला. त्यानंतर सायंकाळी नागरिकांनी मालवण पोलिसांची भेट घेऊन या गंभीर प्रकाराचा सखोल तपास करून संबंधितांवर कारवाई करावी, अशी मागणी केली. यावेळी सर्वपक्षीय पदाधिकारी ही उपस्थित होते.
