प्रदेशाध्यक्ष रवींद्र चव्हाण, पालकमंत्री नितेश राणे यांची उपस्थिती
उबाठा गटाला भाजपाचा धक्का
मालवण : मालवण तालुक्यातील रामगड सरपंच शुभम विष्णू मटकर यांनी भाजपा प्रदेशाध्यक्ष रवींद्र चव्हाण, पालकमंत्री नितेश राणे यांच्या प्रमुख उपस्थितीत भाजपात प्रवेश केला.
यावेळी विधानसभा अध्यक्ष राहुल नार्वेकर, भाजपा जिल्हाध्यक्ष प्रभाकर सावंत, विशाल परब, मालवण तालुकध्यक्ष धोंडी चिंदरकर, माजी बांधकाम सभापती मंदार केणी यांसह अन्य पदाधिकारी उपस्थित होते.
उबाठाला सोडचिठ्ठी देत सरपंच शुभम मटकर यांनी भारतीय जनता पार्टी मध्ये प्रवेश करत कमळ हाती घेतले. दरम्यान, रामगड गावाच्या विकासासाठी भरघोस निधी देण्याचे आश्वासन पालकमंत्री नितेश राणे यांनी सरपंच शुभम मटकर यांना यावेळी दिले.
यावेळी सरपंच शुभम मटकर यांच्यासोबत सुधीर मिठबावंकर, अनंत कामतेकर, मोहन घाडीगावंकर, दिनेश कामतेकर, रविंद्र कामतेकर, धाकु मेस्त्री, आरती कामतेकर, वैभवी मालोंडकर, संगीता मिठबावंकर, अंकिता वाघ, अक्षता मेस्त्री, लक्ष्मी मेस्त्री, चिन्मय कामतेकर, वैभव तारकर, विश्वेश पराडकर, अविकेश वाघ आदींनी प्रवेश केला. आगामी जिल्हा परिषद, पंचायत समिती निवडणूक लक्षात घेता हा प्रवेश महत्वाचा ठरणार आहे.
