सिंधुदुर्ग :- सिंधुदुर्ग जिल्ह्यातील सावंतवाडी नगरपरिषद, मालवण नगरपरिषद, वेंगुर्ला नगरपरिषद तसेच कणकवली नगरपंचायत करीता निवडणूक कार्यक्रम घोषित करण्यात आला आहे.
▪️नामनिर्देशन पत्र दाखल करण्याचा दिनांक 10 ते 17 नोव्हेंबर 2025
• चिन्ह वाटप दिनांक 26 नोव्हेंबर 2025
• मतदानाचा दिनांक 2 डिसेंबर 2025 सकाळी 7.30 ते सायंकाळी 5.30 वाजेपर्यत
• मतमोजणीचा दिनांक 3 डिसेंबर 2025 रोजी
• मतमोजणीचा निकाल राजपत्रमध्ये प्रसिध्द करण्याचा दिनांक 10 डिसेंबर 2025
निवडणुकीची आचारसंहिता निवडणूक कार्यक्रम निर्गमित केलेल्या वेळेपासून लागू झाली असून ती निवडणुकीचा निकाल जाहिर होईपर्यत अंमलात राहील. वरील आचारसंहिता सार्वत्रिक निवडणुकांकरीता नगरपरिषदा, नगरपंचायतीच्या संपूर्ण क्षेत्रात लागू राहील. या क्षेत्रातील मतदारांवर प्रलोभन देणारी कोणतीही कृती, घोषणा कोणत्याही मंत्री, खासदार, आमदार, नगरसेवक किंवा इतर पदाधिकाऱ्यांना इतरत्र सुध्दा करता येणार नाही. अधिकच्या माहितीसाठी निवडणूक आयोगाच्या https://mahasecelec.in या संकेतस्थळाला भेट द्यावी.
