आमदार निलेश राणे यांच्या माध्यमातून सुमारे 10 लाख निधी मंजूर
शिवसेना मालवण शहर सचिव महेश सारंग यांची माहिती
आमदार निलेश राणे, शिवसेना जिल्हाप्रमुख दत्ता सामंत यांचे मानले आभार
मालवण : आमदार निलेश राणे यांच्या माध्यमातून जिल्हा वार्षिक योजना 2025-26 अंतर्गत मालवण शहरात अनेक विकास कामांसाठी मोठ्या प्रमाणात निधी मंजूर झाला आहे.
त्यापैकी धुरीवाडा गारुडेश्वर रस्ता ते सागरी महामार्ग रस्ता करविंग बांधणे या कामासाठी सुमारे सुमारे 9 लाख 99 हजार निधी मंजूर झाला आहे. याबाबत माहिती शिवसेना मालवण शहर सचिव महेश सारंग यांनी दिली आहे. दरम्यान, महत्वाची आणि आग्रही मागणी असलेले महत्वपूर्ण असे हे काम मंजूर झाल्याबद्दल महेश सारंग यांनी आमदार निलेश राणे तसेच शिवसेना जिल्हाप्रमुख दत्ता सामंत यांचे आभार मानले आहेत.
