कुडाळ : पतंजलि योग समिती सिंधुदुर्ग यांच्या वतीने संयुक्त योगोपचार शिबीर चे निशुल्क आयोजन ग्रामपंचायत हॉल नेरूर चव्हाटा येथे करण्यात आले आहे. पाच दिवस चालणाऱ्या या शिबिराचा आज शुभारंभ करण्यात आला.
यावेळी सोशल मिडिया जिल्हा सहप्रभारी योगेश येरम, महिला महामंत्री श्रेया बांदेकर, डॉ. प्रशांत परब, योगेश गवंडे, संजय कोरगावकर, दिप्ती ठाकूर, निशा कडावलकर, जी. डी. सावंत, प्रमोदजी नाईक आदी पतंजलि योगशिक्षक उपस्थित होते. या शिबारासाठी विशेष सहकार्य सौ. रचना नेरुरकर तसेच श्री मंजुनाथजी फडके यांचे लाभले.
5 नोव्हेंबर पर्यत सकाळी 6 ते 7.30 वाजेपर्यंत शिबीर सुरु राहणार आहे. तरी ग्रामस्थानी याचा लाभ घ्यावा. असे आवाहन करण्यात आले आहे.
पहिल्या दिवशी योगशिक्षक डॉ. प्रशांत परब यांनी ओंकार मंत्र नंतर गायत्री मंत्र, महामृत्युंजय मंत्र, संघटन मंत्राने सुरुवात केली. त्यानंतर योगशिक्षक डॉ. प्रशांत परब आणि श्रेया बांदेकर यांनी उपस्थितांना वॉर्म अप, योगिक जॉगिंग, सूर्यनमस्कार, आसने, प्राणायाम ध्यान आदी बाबत सादरीकरण व मार्गदर्शन केले. शेवट शांतिपाठ , सिंहासन आणि हास्यासन आदी प्रकार घेण्यात आले. शेवटी डॉ. प्रशांत परब यांनी उपस्थितांचे आभार मानले.
