मालवण शहरातील क्रीडा संकुल व विविध विकासकामांसाठी 5 कोटी निधी मंजूर
शिवसेना मालवण शहरप्रमुख दिपक पाटकर यांनी नागरिकांच्या वतीने मानले आभार
मालवण | प्रतिनिधी : गतिमान विकासाचा ध्यास घेऊन दिलेला शब्द पुर्ण करणारे नेतृत्व म्हणजे आमदार निलेश नारायण राणे हे होय. त्यांच्या प्रत्येक विकास कार्यातून जनता त्यांचे कार्य अनुभवत आहे. अनेक खेळाडू, प्रशिक्षक यांची मागणी असलेले क्रीडा संकुल आमदार निलेश राणे यांच्या माध्यमातून मंजूर झाले आहे. मालवण शहरातील क्रीडा संकुल व विविध विकासकामांसाठी 5 कोटी निधी मंजूर झाला आहे. याबाबत शिवसेना मालवण शहरप्रमुख दिपक पाटकर यांनी नागरिकांच्या वतीने आमदार निलेश राणे यांचे आभार मानले आहेत.
आमदार निलेश राणे यांनी केलेल्या मागणीनुसार उपमुख्यमंत्री एकनाथ शिंदे यांच्या माध्यमातून मालवण शहरासाठी एकूण ५ कोटींचा विकासनिधी राज्य नियोजन विभागातून मंजूर करण्यात आला आहे. यात आमदार निलेश राणे यांची महत्वपूर्ण मागणी आणि मालवण शहरवासीयांना आमदार निलेश राणे यांनी निवडणुकीपूर्वी दिलेला शब्द पूर्ण झाला आहे. क्रीडा संकुल मंजूर झाले असून सर्व क्रीडा प्रकारांचा समावेश असलेले ग्राउंड, सर्व इनडोअर-आउटडोअर क्रीडा प्रकार समाविष्ट असतील.
या क्रीडासंकुला सोबतच मालवण शहरातील विविध विकासकामांसाठी १ कोटींच्या निधीला मंजुरी मिळाली असून एकूण ५ कोटींचा निधी मालवण नगरपरिषदसाठी मंजूर झाला आहे.
हा भरगोस विकासनिधी मंजूर केल्याबद्दल शिवसेना मालवण शहरप्रमुख दिपक पाटकर यांनी नागरिकांच्या वतीने आमदार निलेश राणे यांचे आभार मानले आहेत. खासदार नारायण राणे साहेब, आमदार निलेश राणे, शिवसेना जिल्हाप्रमुख दत्ता सामंत यांच्या मार्गदर्शनात काम करत असताना जनतेच्या सेवेसाठी आम्ही सदैव तत्पर असल्याचे दिपक पाटकर यांनी सांगितले.
