मुख्यमंत्री देवेंद्र फडणवीस यांच्या स्वाक्षरीचे प्रमाणपत्र मिळणार!
मालवणातुन मोठया संख्येने सहभागी व्हा ; सामाजिक कार्यकर्त्या सौ. शिल्पा खोत यांचे आवाहन
मालवण : शासनाच्या अविरत प्रयत्नांमुळे छत्रपती शिवाजी महाराज यांच्या पराक्रमाची साक्ष असलेल्या बारा दुर्गांना जागतिक वारसा वास्तू म्हणून वैश्विक दर्जा मिळाला आहे. या अनुषंगाने राज्य सरकारने अमृत दुर्गोत्सव २०२५ चे आयोजन केले असून दिवाळी मध्ये मुले व तरुणांनी साकारलेल्या दुर्ग देखाव्याचे छायाचित्र पाठविण्याचे आवाहन मुख्यमंत्री देवेंद्र फडणवीस यांच्यामार्फत करण्यात आले आहे. या पार्श्वभूमीवर दिवाळीमध्ये दुर्ग - गड किल्ल्याचे देखावे तयार केलेल्या बाळगोपाळानी व तरुणांनी देखाव्या सोबतचे आपले छायाचित्र दि 22 ऑक्टोबर 2025 पर्यंत व्हाट्सअप क्र. 8390103330 किंवा 9422584641 यावर नाव, पत्ता व माहितीसह पाठवावेत. छायाचित्र पाठविणाऱ्यांना ऑनलाइन पद्धतीने मुख्यमंत्र्याच्या स्वाक्षरीचे प्रमाणपत्र वितरित करण्यात येणार आहेत. ऐतिहासिक व सांस्कृतिक वारसाच्या जतन व संवर्धन करण्याच्या दृष्टीने आयोजित या उपक्रमात जास्तीत जास्त जणांनी सहभाग घ्यावा, असे आवाहन मालवण मधील स्वराज्य संघटनेच्या सर्वेसर्वा व शिवप्रेमी सौ. शिल्पा यतीन खोत यांनी केले आहे.
