मालवण तालुक्यातील वाळू व्यावसायिक व डंपर व्यवसायिकांनी घेतली शिवसेना जिल्हाप्रमुख दत्ता सामंत यांची भेट
मालवण | प्रतिनिधी : वाळू व्यावसायिक तसेच डंपर व्यवसायिकांचे जे प्रश्न आहेत ते प्रश्न आमदार निलेश राणे यांच्या माध्यमातून निश्चित सोडवले जातील. अशी ग्वाही शिवसेना जिल्हाप्रमुख दत्ता सामंत यांनी वाळू व्यवसाय व डंपर व्यवसायिक यांच्या शिष्टमंडळाला दिली.
मालवण तालुक्यातील वाळू व्यावसायिक तसेच डंपर व्यवसाय यांनी शिवसेना जिल्हाप्रमुख दत्ता सामंत यांची भेट घेतली व व्यवसायातील अडचणी, रखडलेली वाळू टेंडर प्रक्रिया तसेच टेंडर प्रक्रिया गतिमान होण्यासाठी प्रशासनाकडून न मिळणारे सहकार्य या सर्व बाबतीत जिल्हाप्रमुख दत्ता सामंत यांच्याकडे भूमिका मांडली. प्रशासना कडून मिळणारे असहकार्य व काही त्रासदायक गोष्टी बाबत तक्रारीही मांडण्यात आल्या. दत्ता सामंत यांनी व्यवसायिकांचे म्हणणे ऐकून घेत आमदार निलेश राणे यांच्याशी संपर्क साधला व व्यवसायिकांच्या असलेल्या समस्या त्यांच्याकडे व पोहोचवल्या आहेत. दरम्यान आमदार निलेश राणे यांनी व्यावसायिकांचे जे काही प्रश्न असतील, प्रशासन स्तरावर ज्या काही समस्या असतील त्या सोडवण्याची ग्वाही दिली आहे. आमदार निलेश राणे यांची मालवण दौऱ्यात भेट घेऊन याबाबत निवेदन दिले जाईल.अशी माहिती संजय वराडकर यांनी दिली. यावेळी शिवसेना मालवण शहर संघटक राजू बिडये यांसह अन्य पदाधिकारी उपस्थित होते.
यावेळी संजय वराडकर, प्रणय कांबळी, मंदार कांदळकर, कौशल गवंडी, शुभम रेवंडकर, बंटी पेडणेकर, समीर मेथर, स्वप्नील सावंत, रोहन मयेकर, अमित कांबळी, प्रसाद परुळेकर, अमोल चव्हाण, आप्पा चव्हाण, शेखर वाक्कर, सागर भोगवेकर, शाम वाक्कर, बंटी चव्हाण, बाबू चव्हाण, संतोष सातार्डेकर, सुयश गावडे, राहुल गोलतकर, स्वप्नील देऊलकर, यश सक्रु, केदार कवटकर, ऋषी आसोलकर, सुशील शेडगे, सचिन मराठे, सिद्धेश परब, ओम कांबळी, सुयश गावकर, हेमंत चव्हाण, राजा सावंत, प्रशांत परब आदि वाळू व डंपर व्यावसायिक उपस्थित होते.
▪️अमित खोत | मालवण
