शिवसेना जिल्हाप्रमुख दत्ता सामंत यांनी दिले नियुक्तीपत्र
शानू वालावलकर | मालवण : मालवण तालुक्यातील मसुरे देऊळवाडा येथील सिद्धेश नारायण मसुरकर यांची मालवण युवा सेना उप तालुका प्रमुख पदी नियुक्ती करण्यात आली आहे. आमदार निलेश राणे यांच्या मार्गदर्शनाखाली शिवसेना जिल्हाप्रमुख दत्ता सामंत यांनी युवासेना जिल्हाप्रमुख संग्राम साळसकर यांच्या उपस्थितीत नियुक्ती जाहीर करत श्री. सिद्धेश मसुरकर यांना पुढील वाटचालीस शुभेच्छा दिल्या.
नियुक्ती पत्रात म्हटले आहे, हिंदुहृदयसम्राट शिवसेनाप्रमुख बाळासाहेब ठाकरे यांच्या आशीर्वादाने तसेच धर्मवीर आनंद दिघे साहेब यांच्या प्रेरणेने व शिवसेनेचे मुख्य नेते श्री. एकनाथ शिंदे यांच्या आदेशानुसार शिवसेना पक्षाच्या सिंधुदुर्ग जिल्ह्याच्या मालवण तालुका युवा सेना उप तालुका प्रमुख पदी आपली नियुक्ती करण्यात येत आहे. हा नियुक्तीचा कालावधी एका वर्षाचा असेल. हिंदुहृदयसम्राट शिवसेनाप्रमुख बाळासाहेब ठाकरे यांचा हिंदुत्वाचा विचार आणि धर्मवीर आनंद दिघे साहेब यांची शिकवण याचा आपण सक्रियपणे प्रचार आणि प्रसार कराल तसेच शिवसेना पक्ष वाढीसाठी आपण सर्वांना सोबत घेऊन कार्य कराल असा विश्वास आहे. असे नियुक्ती पत्र शिवसेना जिल्हा प्रमुख दत्ता सामंत यांच्या हस्ते देण्यात आले. यावेळी शिवसेना तालुकाप्रमुख राजा गावडे, संपर्क प्रमुख पिंट्या गावकर, छोटू ठाकूर, युवासेना तालुकाप्रमुख अभि लाड, रामू चव्हाण, शहर संघटक राजू बिडये, उपतालुका प्रमुख बाळू नाटेकर, अक्षय तावडे, सुहास साळुंखे, संदीप भोजने, पांडुरंग ठाकूर अन्य पदाधीकारी उपस्थित होते.
