आरोपीतर्फे ॲड. स्वरुप नारायण पई यांनी काम पाहिले
मालवण : मोरेडोंगरी- सावंतवाही येथील घराच्या अंगणात अवैध गांजा बाळगल्याप्रकरणी अटक संशयीत जावेद पिरसाब शेख वय 38 वर्ष राह. मोरेडोंगरी सावंतवाडी यांची मे. प्रथमवर्ग न्यायदंडाधिकारी साहेब सावंतवाडी यांनी रक्कम रु. 25,000/- च्या सशर्त जामीनावर मुक्तता केली. संशयीतातर्फे ॲड. स्वरुप नारायण पई यांनी काम पाहिले.
सावंतवाही पोलिसांनी दि. 12/10/2025 रोजी मोरेडोंगरी- सावंतवाही येथे केलेल्या छाप्याच्या कारवाईत जावेद पिरसाब शेख या संशयीतास त्याच्या राहत्या घराच्या अंगणातून अवैध गांजासहीत अटक करून ताब्यात घेतले होते. त्याच्या विरोधात सावंतवाडी पोलिस ठाण्यात गुंगीकारक औषधद्रव्ये व मनोव्यापारावर परिणाम करणारे पदार्थ अधिनियम 1985 कलम 8(C), 20(b) II(A) अन्वये गुन्हा दाखल करण्यात आला. त्याप्रमाणे प्राथमिक तपासकाम करून संशयितास मे. प्रथमवर्ग न्यायदंडाधिकारी सावंतवाडी यांचे न्यायालयात हजर करण्यात आले. जप्त गांजासदृष्य पदार्थ कोठून आणला याच्या तपासासाठी अधिक तपासाकरिता पोलिसानी संशयीताची 5 दिवसांच्या पोलिस कस्टडीची मागणी केली. संशयितांतर्फे केलेल्या युक्तीवादानुसार व आवश्यक रिकव्हरी व प्राथमिक तपासकाम पूर्ण झाले असल्याच्या कारणास्तव पोलिसांची पोलीस कस्टडीची मागणी फेटाळून मे. न्यायालयाने संशयीतास न्यायालयीन कोठडी मंजूर केली.
त्यानंतर संशयीतातर्फे जामीनअर्ज दाखल करण्यात आला. जामीन अर्जाचे सुनावणीअंती मे. न्यायालयाने संशयिताची रक्कम रु. 25,000/- च्या सशर्त जामीनावर मुक्तता केली.
