लेफ्टनंट प्राध्यापक मल्लेश खोत यांनी कवितेतून दिल्या शुभेच्छा….
ज्ञानदीप जळत राहिला आयुष्यभराच्या वाटचालीत,
प्रत्येक मैत्री जोडत दीप ज्ञानाचा प्रज्ज्वलित हातात।
सौम्य हास्य, हृदयात दया, आणि निर्णयात तो न्याय,
ठाकूर सरांचा लाभ झाला सर्वांना तो skp कॉलेजात।!!१!!
पुस्तकाविना खडू-डस्टर घेऊन वर्गात जेव्हा उभे राहतात,
तेव्हा भूगोलही जणू त्यांच्या शब्दांत नकाशे रेखाटतात।
पुस्तक न उघडताही ज्ञानाचे धडे ओघळत ते राहतात
पाटीवरथाप टाकून विद्यार्थ्यांमध्ये प्रेरणा निर्माण करतात!!२!!
वेंगुर्लापासून मुंबईपर्यंत त्यांच्या कार्याचा आहे तो गंध,
शिक्षणात, प्रशासनात त्यांनी निर्माण केला तो आनंद।
प्रत्येक विभागाला दिलं त्यांनी नवसंजीवनीचं ते दान,
त्यांच्या नेतृत्वात मालवण कॉलेज गाठलं नॅशनलच स्थान!!३!!
दयाळू, कृपाळू, पण तडफदार आहे त्यांचा स्वभाव,
सर्वांच्या प्रगतीचा विचार करणे हाच आहे त्यांचा ठाव।
अशी माणसं दुर्मिळ—सागरात सापडे जसे मोती,
ठाकूर सर म्हणजे प्रेरणा, शिस्त, करुणेची ती संगती!!४!!
निर्माण करून कोकण जॉग्रफरला केला जय जयकार
नावलौकिक जिओग्राफर असोसिएशन देशाच्या तडीपार
“ठाकूर सर” नाव जरी एक, पण व्यक्तिमत्व ते अपार,
ज्ञान, कर्तृत्व, अन् माणुसकी यांचा सुंदर आहे साकार!!५!!
🌹🌹🌹🌹🌹🌹🌹
स. का. पाटील सिंधुदुर्ग महाविद्यालय मालवण प्रा. डॉ. शिवराम ठाकूर यांना वाढदिवसाच्या हार्दिक शुभेच्छा…
कविता रचनाकार _ प्राध्यापक मल्लेश खोत.
