इचलकरंजी येथे होणाऱ्या विभाग स्तरीय योगासन स्पर्धेसाठी निवड
मालवण : जिल्हा स्तरीय योगासन स्पर्धेमध्ये न्यू इंग्लिश स्कूल पेंडूरची विद्यार्थिनी कु.दुर्वा मिलिंद आकेरकर हिने १७ वर्षे वयोगट मध्ये ट्रॅडिश्नल योगासन प्रकारांमध्ये प्रथम क्रमांक पटकावला. तर रिदमिक योगा पेअर या प्रकारात कु.आदिती अर्जून पेंडूरकर व कु.कृतिका राजेंद्र पंदारे या विद्यार्थिनींनी प्रथम क्रमांक पटकावला. १४ वर्षे वयोगटांमध्ये मुलांमध्ये प्रियेश प्रवीण उद्धव याने प्रथम क्रमांक पटकावला. १७ वर्षे वयोगट रिदमिक योगा पेयर या प्रकारामध्ये युग गणपत पंदारे, व चिन्मय संजय वारिक यांनी प्रथम क्रमांक पटकावला.
या सर्व विद्यार्थ्यांची इचलकरंजी येथे होणारा विभाग स्तरीय योगासन स्पर्धेसाठी निवड झाली असून सर्व खेळाडूंना प्रशालेच्या क्रीडा शिक्षिका सौ. देसाई मॅडम व सौ.पाटकर मॅडम यांचे मार्गदर्शन लाभले. या सर्व खेळाडूंचे प्रशालेचे मुख्याध्यापक श्री. तावडे सर ,संस्थेचे अध्यक्ष श्री. बाबाराव राणे संस्थेचे सचिव श्री. घन:श्याम राणे सर्व संस्था पदाधिकारी शिक्षक शिक्षकेतर कर्मचारी व ग्रामस्थांनी हार्दिक अभिनंदन केले व शुभेच्छा दिल्या.
