युवासेना मालवण तालुकाप्रमुख अभि लाड यांनी वेधले सार्वजनिक बांधकाम विभागाचे लक्ष
आचरा : आचरा बंदर ते कणकवली जाणारा राज्यमार्ग आचरा सीमंबा, चिंदर बाजारपेठ, पळसंब पूल या ठिकाणावर पडलेले मोठं मोठे खड्डे वाहतुकीसं अत्यंत धोकादायक ठरत आहेत, त्यामुळं अपघातांची भीती तसेच वाहनांचं नुकसान होत आहे. खड्डा चुकवताना होणारे अपघात, आजारी व्यक्ती, वृद्ध व्यक्ती तसेच गरोदर स्त्रियांना प्रवास करताना होणार त्रास लक्षात घेता वेळीच हे खड्डे बुजविणे आवश्यक आहे. सार्वजनिक बांधकाम विभाग यांनी याकडे लक्ष देऊन कार्यवाही करावी.
सार्वजनिक बांधकाम विभाग यांनी वेळीच खड्डे न बुजविल्यास आमदार निलेश राणे, शिवसेना जिल्हाप्रमुख दत्ता सामंत यांच्या मार्गदर्शनात जन हिताच्या दृष्टीने युवासेना पुढील भुमिका घेईल. अशी भुमिका युवासेना मालवण तालुकाप्रमुख अभि लाड यांनी स्पष्ट केली आहे.
या रस्त्यावरुन रोज प्रवास करणारे प्रवासी, वाहनचालक हतबल आहेत. पुढे गणेश चतुर्थी सण येतोय रस्त्यावर गाड्या वाढतील त्यामुळे काम करण्यासं अडचण होईल तरी येत्या आठवड्यात वेळीच खड्डे बुजविण्यास सुरवात करावी व रस्ता वाहतुकीसं योग्य करावा.
