मालवण : महाराष्ट्र राज्य परीक्षा परिषद पुणे तर्फे घेण्यात आलेल्या स्कॉलरशिप परीक्षेत अनंत शिवाजी देसाई टोपीवाला हायस्कूलच्या चार विद्यार्थ्यांनी उल्लेखनीय यश संपादन केले आहे.
पाचवी शिष्यवृत्ती परीक्षेत शौनक शैलेश पावसकर जिल्हा गुणवत्ता यादीत 47 वा तर नीरजा नंदकुमार फणसेकर 51 वी आली आहे. आठवी शिष्यवृत्ती परीक्षेत जिल्हा गुणवत्ता यादीत उत्कर्ष मदन भिसे 15 वा तर श्रेयस संजय वराडकर 44 वा आला आहे.
पाचवीच्या गुणवत्ता प्राप्त विद्यार्थ्यांना सुनील काळसेकर, सौ. अक्षता तांबे, विपिन ठाकूर, सतीश बनसोडे यांचे तर आठवीच्या विद्यार्थ्यांना सौ. मयुरी भिसे, देविदास वेरलकर, मिलिंद शिरोडकर, सौ. दर्शना सामंत, सौ. नूरजहान नाईक यांचे मार्गदर्शन लाभले. जिल्हा गुणवत्ता यादीत स्थान प्राप्त केलेल्या विद्यार्थ्यांना शिष्यवृत्ती लागू झाली आहे.
यशस्वी विद्यार्थ्यांचे मालवण एज्युकेशन सोसायटीचे सर्व सदस्य, टोपीवाला हायस्कूलचे मुख्याध्यापक लक्ष्मण वळंजू, पर्यवेक्षक देविदास वैरलकर तसेच सर्व शिक्षक -शिक्षकेतर कर्मचारी, पालक यांनी अभिनंदन केले आहे.
▪️अमित खोत | मालवण
