युवासेना पदाधिकारी नियुक्त्या जाहीर

शिवसेना जिल्हाप्रमुख दत्ता सामंत यांच्या हस्ते सर्व पदाधिकाऱ्यांना दिले नियुक्तीपत्र

युवासेना उपजिल्हाप्रमुख पदी मिहीर राणे, जिल्हा सचिव पदी राहुल बागवे, उपविधानसभा प्रमुख पदी संकेत राऊळ

युवासेना मालवण तालुका प्रमुख पदी अभिमन्यु लाड, स्वप्नील गावडे यांची नियुक्ती : युवासेना जिल्हाप्रमुख संग्राम साळसकर यांची माहिती

मालवण | प्रतिनिधी : कुडाळ-मालवण युवासेना जिल्हाप्रमुख संग्राम साळसकर यांनी युवासेना पदाधिकारी नियुक्त्या जाहीर केल्या आहेत. उपजिल्हाप्रमुख पदी मिहीर मकरंद राणे, युवासेना जिल्हा सचिव पदी राहुल साईप्रसाद बागवे, उपविधानसभा प्रमुख पदी संकेत राऊळ तर युवासेना मालवण तालुका प्रमुख पदी अभिमन्यु अर्जुन लाड (जिल्हापरिषद विभाग आचरा, मसुरे, आडवली-मालडी) क्षेत्र तर पोईप, पेंडूर, देवबाग जिप विभाग तालुकाप्रमुखपदी स्वप्नील गावडे यांची नियुक्ती करण्यात आली आहे. शिवसेना जिल्हाप्रमुख दत्ता सामंत यांच्या हस्ते सर्व पदाधिकारी यांना नियुक्तीपत्र देत शुभेच्छा देण्यात आल्या.

आमदार निलेश राणे, शिवसेना जिल्हाप्रमुख दत्ता सामंत तसेच वरीष्ठांच्या मार्गदर्शनाखाली काम करताना युवासेना मजबूत करणार. असा विश्वास कुडाळ मालवण युवासेना जिल्हाप्रमुख संग्राम साळसकर यांनी व्यक्त केला. तसेच करण्यात आलेल्या सर्व पदाधिकारी नियुक्त्या युवासेना कार्याध्यक्ष पूर्वेश प्रताप सरनाईक, आमदार निलेश राणे, शिवसेना जिल्हाप्रमुख दत्ता सामंत यांच्या मार्गदर्शनाखाली करण्यात आल्याचे संग्राम साळसकर यांनी सांगितले.

पदाधिकाऱ्यांना देण्यात आलेल्या नियुक्ती पत्रात म्हटले आहे, वंदनीय हिंदुहृदयसम्राट शिवसेना प्रमुख बाळासाहेब ठाकरे यांच्या आशिर्वादाने व शिवसेना मुख्य नेते माननीय एकनाथजी शिंदे साहेब (उपमुख्यमंत्री, महाराष्ट्र राज्य) यांच्या आदेशानुसार, खासदार डॉ. श्रीकांतजी शिंदे यांच्या मार्गदर्शनाखाली व आमच्या विनंतीनुसार आपली शिवसेना नियुक्ती करण्यात येत आहे.

वंदनीय हिंदुहृदयसम्राट शिवसेना प्रमुख श्रीमान बाळासाहेब ठाकरे यांच्या हिंदुत्वाचा विचार आणि धर्मवीर आनंद दिघे साहेब यांची शिकवण आत्मसात करून शिवसेना पक्ष वाढीसाठी आपण सर्वाना सोबत घेऊन कार्य कराल असा विश्वास आहे. आपल्या सामाजिक व राजकीय क्षेत्रातील भावी वाटचालीस मनःपूर्वक. असे नियुक्ती पत्रात म्हटले आहे.

यावेळी शिवसेना तालुकप्रमुख राजा गावडे, देवाबाग विभागप्रमुख मंदार लुडबे, युवतीसेना जिल्हाप्रमुख सोनाली पाटकर, युवासेना उपजिल्हाप्रमुख निषय पालेकर, योगेश परब, संदीप भोजणे, शानू वालावलकर, सुरज बिरमोळे, मंगेश साळसकर, भाऊ मोरजे, प्रसद जाधव यांसह अन्य पदाधिकारी उपस्थित होते.

▪️ अमित खोत | मालवण