दोन महिन्यांचे वेतन थकले
कामगारांनी वेधले पालिका प्रशासनाचे लक्ष...
मालवण : मालवण नगरपालिकेत कंत्राटी पद्धतीवर काम करणाऱ्या स्वच्छता कामगारांचे गेल्या दोन महिन्यांचे वेतन संबंधित ठेकेदारांनी न दिल्याने कंत्राटी स्वच्छता कामगारांनी काम बंद आंदोलन छेडले आहे. जीवाची पर्वा न करता शहरात कचरा उचल करण्याचे काम करूनही वेळेवर वेतन न मिळाल्याने आमच्या कुटुंबाची उपासमार होत आहे. त्यामुळे थकीत वेतन मिळवून देऊन आम्हाला न्याय द्यावा अशी मागणी कामगारांनी पालिका प्रशासनाकडे केली आहे. नगरपरिषद इमारती बाहेर उभे राहून कामगारांनी लक्ष वेधले. दोन महिने पगार झाला नाही असे कामगारांचे म्हणणे आहे.
