कर्लाचाव्हाळ येथील घटना
मालवण | प्रतिनिधी : मालवण तालुक्यातील आनंदव्हाळ - कर्लाचाव्हाळ येथील जगन्नाथ धोंडी सडवेलकर (वय- २५) या युवकाने राहत्या घराच्या मागील बाजूस गळफास लावून आत्महत्या केल्याची घटना गुरुवारी सकाळी उघडकीस आली आहे. बुधवारी रात्री त्याने आत्महत्या केली असावी अशी शक्यता वर्तवली जात आहे.
दरम्यान घटनेची माहिती मिळताच सहाय्यक पोलीस निरीक्षक गणेश माने अनुप हिंदळेकर यांनी घटनास्थळी भेट देत माहिती घेतली. याबाबत अधिक तपास सुरू आहे. मात्र आत्महत्येचे कारण समजू शकलेले नाही.
जगन्नाथ यांच्या पश्चात आई, वडील, आजी, बहीण असा परिवार आहे.
