गुणवंतांचा सत्कार व शिष्यवृत्ती वर्गाचा होणार शुभारंभ
मालवण : बॅ. नाथ पै सेवांगण, मालवण यांच्या वतीने गुणवंत विद्यार्थ्यांचा सन्मान आणि शिष्यवृत्ती मार्गदर्शन वर्गाचा शुभारंभ होत आहे. शनिवार, १९ जुलै २०२५ रोजी दुपारी ३ ते ४.३० या वेळेत दादा शिखरे सभागृह, बॅ. नाथ पै सेवांगण, धुरीवाडा, मालवण येथे हा कार्यक्रम पार पडणार आहे.
कार्यक्रमात इयत्ता ७वी शिष्यवृत्तीतील गुणवंत विद्यार्थ्यांचा सत्कार तसेच शिष्यवृत्ती वर्गाचा औपचारिक शुभारंभ केला जाणार आहे. यानंतर सायंकाळी ४.३० वाजता १० वी, ७वी NMMS व शैक्षणिक क्षेत्रातील गुणवंतांचा सत्कार आणि पालक व विद्यार्थी मेळावा आयोजित करण्यात आला आहे.
विद्यार्थ्यांनी आपली शैक्षणिक प्रगती सातत्याने वृद्धिंगत करण्यासाठी व मार्गदर्शन घेण्यासाठी या उपक्रमाचा लाभ घ्यावा, असे आवाहन सेवांगणच्या वतीने अध्यक्ष ऍड. देवदत्त परबळेकर, कार्याध्यक्ष किशोर शिरोडकर, कार्यवाह लक्ष्मीकांत खोबरेकर, कोषाध्यक्ष श्री. शैलेश खांडाळेकर यांच्या वतीने करण्यात आले आहे.
शिष्यवृत्तीच्या प्रवासात विद्यार्थ्यांना बळ देणारा आणि गुणवंत विद्यार्थ्यांना पुढील वाटचालीस प्रेरणा देणारा हा उपक्रम, मालवणच्या शैक्षणिक वातावरणात नवी ऊर्जा निर्माण करेल, असा विश्वास सेवांगणच्या वतीने व्यक्त करण्यात आला आहे.
अमित खोत | मालवण
