उधाणाचा फटका बसून समुद्राने गिळंकृत केलेल्या किनारपट्टीला तात्काळ संरक्षण देणार
शिवसेना जिल्हाप्रमुख दत्ता सामंत यांनी पाहाणी दरम्यान दिली माहीती
मालवण : मुसळधार पाऊस व समुद्राला असलेल्या उधाणाचा फटका तळाशील समुद्र किनारपट्टीला बसत आहे. तळाशील किनारपट्टीचा बंधारा नसलेल्या भागाचा अंदाजे पंधरा ते वीस फूट भूभाग समुद्राने गिळंकृत केल्याने तळाशील मुख्य रस्ता आणि समुद्र यामध्ये दहा ते पंधरा फूटाचे अंतर राहिले आहे. यामुळे तळाशील भागाला धोका निर्माण झाला आहे. याबाबत तातडीने उपाययोजना करण्याची मागणी होत आहे. या पार्श्वभूमीवर शिवसेना जिल्हाप्रमुख दत्ता सामंत यांनी उधाणाचा फटका तळाशील समुद्र किनारपट्टी भागाची भर पावसात पाहाणी केली. ग्रामस्थांच्या माध्यमातून माहिती जाणून घेतली.
दत्ता सामंत यांनी आमदार निलेश राणे यांना संपर्क साधून माहिती दिली. यावेळी निलेश राणे म्हणाले तात्काळ उपाययोजना करा. आवश्यक ते सर्व सहकार्य केले जाईल. किनारपट्टीचे संरक्षण आणि ग्रामस्थांची सुरक्षितता सर्वात महत्वाची आहे. त्या दृष्टीने उपाययोजना त्वरित व्हाव्यात असे आमदार निलेश राणे यांनी सांगितले.
आमदार निलेश राणे यांच्या सुचनेनुसार दत्ता सामंत यांनी तातडीने उपाययोजना बाबत निर्णय घेतला आहे. बुधवार पासून उपाययोजना सुरु केल्या जाणार आहेत. अशी माहिती दत्ता सामंत यांच्या वतीने देण्यात आली आहे.
