कुडाळ : सेवा शक्ती संघर्ष एस.टी कर्मचारी संघाच्या कुडाळ आगार युनिटने कुडाळ आगार व्यवस्थापकांची भेट घेतली. या वेळी संघाचे सिंधुदुर्ग जिल्हा उपाध्यक्ष निलेश तेंडुलकर, आगार उपाध्यक्ष जयेश चिंचळकर, सल्लागार रुपेश कानडे, कार्याध्यक्ष सुनील बांदेकर, सचिव मिथुन बांबुळकर, सहसचिव समीर कदम, शैलेश धामापूरकर, संजय वरक, सूर्यकांत पडवळ, निलेश कसालकर, प्रसिद्ध सचिव शंकर बांदेकर, नागेश चव्हाण उपस्थित होते.
कुडाळ आगार व्यवस्थापक रोहित नाईक यांची भेट घेऊन नवीन ड्युटी अलोकेशन बाबत चर्चा केली. या चर्चेत कुडाळ आगारातील चालक वाहकांच्या कर्तव्याबाबतच्या नवीन वेळापत्रकांबाबत सखोल चर्चा झाली तसेच या वेळापत्रकातील मालवण व कुडाळ आगाराच्या फेऱ्या अदलाबदल केल्याने त्याचा नाहक त्रास प्रवाशांना होत असल्याने याबाबत विभाग नियंत्रक व विभागीय वाहतूक अधिकारी यांच्याकडून योग्य ते बदल करून जेणेकरून चालक, वाहक व प्रवासी यांच्यावर या वेळापत्रकाचा विपरीत परिणाम होणार नाही याची काळजी घ्यावी. त्याबरोबरच ग्रुप अलोकेशन हे संघटना पदाधिकारी यांच्याशी संवाद साधून करावे अन्यथा त्याला सेवाशक्ती संघटनेचा विरोध राहील असे आगारप्रमुखांना सांगितले.
देवगड, कोरजाई फेऱ्या वारंवार रद्द करण्यात येत असल्याबाबत नाराजी व्यक्त करण्यात आली. पर्यवेक्षकीय अधिकारी यांनी आपले भ्रमणध्वनी कायमस्वरूपी चालू ठेवावेत अशा सूचना देण्यात आल्या. वारंवार एकाच कर्मचाऱ्याला एकच ड्युटी न लावण्यासंदर्भात सूचना देण्यात आल्या. कट ऑफ लिस्ट प्रमाणे ओव्हर टाईमच्या ड्युट्या लावण्यासंदर्भात सूचना करण्यात आल्या. आगार व्यवस्थापक यांनी याबाबत सकारात्मक चर्चा केली आपल्या स्तरावरील सूचनांची अंमलबजावणी तात्काळ करण्यात येईल असे आश्वासन देत विभाग नियंत्रक व
विभागीय वहातूक अधिकाऱ्यांची चर्चा करून इतर बाबींसुद्धा सुरळीत होतील असे सांगितले.
