सचिवपदी रंजन तांबे, खजिनदारपदी चंद्रशेखर पेंडूरकर
१२ जुलैला हॉटेल जानकी येथे पदग्रहण सोहळा
मालवण | प्रतिनिधी : रोटरी क्लब मालवण अध्यक्षपदी पंकज पेडणेकर यांची निवड करण्यात आली आहे. तर सचिवपदी रंजन तांबे, खजिनदारपदी चंद्रशेखर पेंडूरकर यांच्याकडे जबाबदारी देण्यात आली आहे. नूतन कार्यकारणीचा पदग्रहण सोहळा १२ जुलैला हॉटेल जानकी येथे संपन्न होणार आहे.
विविध क्षेत्रांतील व्यावसायिक आणि सामाजिक कार्यकर्ते एकत्र येऊन रोटरी क्लबच्या माध्यमातुन समाजासाठी काम करतात. संस्थेचे सदस्य, मानवतेच्या भल्यासाठी आणि सामाजिक कार्यासाठी समर्पित असतात. जिल्ह्यातील अनेक समस्यावर उपाययोजा आणि भविष्यातील उपाययोजना यामध्ये रोटरी क्लब चा आवर्जून सहभाग असतो.
२०२५ - २०२६ या वर्षासाठी मालवण रोटरी क्लबच्या अध्यक्षपदी पंकज पेडणेकर, सचिवपदी रंजन तांबे, खजिनदारपदी चंद्रशेखर पेंडूरकर यांची सर्वानुमते निवड करण्यात आली. त्यांचा पदग्रहण सोहळा नवीन सदस्य ओळख (New Members Orientation) डिस्ट्रिक्ट ३१७० चे अध्यक्ष सुभाष साजणे यांच्या हस्ते व क्लबचे असिस्टंट गव्हर्नर डॉ. प्रशांत कोलते यांच्या उपस्थितीत १२ जुलैला सायंकाळी ठीक ६.०० वाजता कुंभारमाठ येथील हॉटेल जानकी या ठिकाणी होणार आहे. या पदग्रहण सोहळ्यासाठी रोटरी क्लब मालवणचे सदस्य तसेच जिल्ह्यातील सर्व रोटरी क्लबचे पदाधिकारी व सदस्य उपस्थित राहणार आहेत.
जगभरात 35,000 पेक्षा जास्त रोटरी क्लब आहेत आणि 1.2 दशलक्षाहून अधिक सदस्य आहेत. रोटरी क्लबचे सदस्यत्व, इच्छुक व्यक्तींना खुले आहे. सदस्य होण्यासाठी, काही सामाजिक निकष पूर्ण करणे आवश्यक असते.
▪️ अमित खोत | मालवण
