प्लास्टिक मुक्ती दिन औचित्य साधून सेवा उपक्रम
नागरिकांचाही उत्स्फूर्त प्रतिसाद
मालवण : लायन्स क्लब मालवणतर्फे प्लास्टिक मुक्ती दिन सेवा उपक्रम राबवून मालवण शहरातील नागरिकांना कपडी पिशवी वाटप करण्यात आले. प्लास्टिक पिशव्या वापरण्याचे दुष्परिणाम लक्षात घेऊन पर्यावरणपूरक आणि दीर्घकाळ वापरता येईल अशा कापडी पिशव्या वितरित करण्यात आल्या. या उपक्रमाला नागरिकांनीही उत्स्फूर्त प्रतिसाद देत उपक्रमाचे कौतुक केले.
मालवण शहरातील भरड नाका, बाजार पेठ, फोवकांडा पिंपळ परीसर अशा तीन ठिकाणी हा उपक्रम राबवून एकूण शंभर कापडी पिशव्या वाटण्यात आल्या. या उवक्रमाद्वारे पिशव्यांचा पुनर्वापर आणि पर्यावरण रक्षणाचा संदेश लायन्स क्लब पदाधिकाऱ्यांनी दिला.
यावेळी लायन्स क्लब मालवणच्या अध्यक्षा सौ. अनुष्का चव्हाण, सचिव सौ. मनाली दळवी, खजिनदार सौ. पूनम चव्हाण, लायन्स सदस्य राजा शंकरदास, सहदेव बापर्डेकर, गणेश प्रभूलकर, उमेश शिरोडकर, रविकिरण तोरसकर, विराज आचरेकर, जयश्री हडकर, अंजली आचरेकर, नंदिनी गांवकर, ऋग्वेदा धामापूरकर आदी व नागरिक उपस्थित होते.
अमित खोत | मालवण
