आमदार निलेश राणे यांच्या सुचनेनंतर प्रशासनाची कार्यवही
शिवसेना विभाग प्रमुख राजन माणगांवकर यांची माहिती
मालवण : कुडाळ सोनवडेपार वराड कट्टा बसफेरी लवकरच सुरु केली जाणार आहे. कुडाळ तालुक्यातील सोनवडेपार व मालवण तालुक्यातील वराड या गावांना जोडणारा पूल नव्याने उभारण्यात आला असून या पुलावरून रहदारी सुरू आहे, मात्र या पुलावरून जाणारी बसफेरी सुरु झाल्यास दोन्ही तालुक्यातून प्रवास करणाऱ्या लोकांना त्याचा फायदा होईल, तरी सदरील मागणीचा विचार करून सोनवडेपार वराड कट्टा बसफेरी सुरु करावी किंवा सद्यस्थितीत सुरु असलेल्या बसफेऱ्या दोन्ही गावांना फायदा होईल याचा विचार करून विस्तारित करून द्याव्यात या बाबत पत्र आमदार निलेश राणे यांनी कणकवली विभाग नियंत्रक यांना दिले होते.
ग्रामपंचायत वराड यांनीही याबाबत आमदार आमदार निलेश राणे व प्रशासनाचे लक्ष वेधले होते. त्यानुसार वाहतूक सुरु करणेबाबत नियोजन सुरु होते. दरम्यान कणकवली विभाग यांची शिवसेना विभाग प्रमुख राजन माणगांवकर, शिवसेना भंडारवाडा बूथ कमिटी अध्यक्ष हनुमंत सरममळकर यांनी भेट घेऊन चर्चा केली. दरम्यान 15 दिवसात एसटी सेवा सुरू करण्याचे आश्वासन देण्यात आले आहे. शिवसेना जिल्हाप्रमुख दत्ता सामंत यांनी देखील एसटी सुरू होण्यासाठी विभाग नियंत्रण यांच्याशी संपर्क साधला. अशी माहिती राजन माणगावकर यांनी दिली.
▪️ अमित खोत, मालवण
