मालवण : देवळी समाज हितवर्धक मंडळ सिंधुदुर्ग तालुका शाखा मालवण यांच्यावतीने आयोजित मालवण तालुक्यातील देवळी समाज विद्यार्थी गुणगौरव सोहळा व वधुवर सुचक मेळावा रविवार 20 जुलै रोजी सकाळी 10 वाजता वायरी मालवण येथील गाड मंगल कार्यालयात आयोजित करण्यात आला आहे.
यावेळी समाजातील 5 वी ते 8 वी शिष्यवृत्ती परीक्षा उत्तीर्ण 1 ली ते पदवी परीक्षा उत्तीर्ण विद्यार्थी तसेच विविध परीक्षेत उत्तीर्ण विद्यार्थ्यांचा गौरव करण्यात येणार आहे.
यावेळी सिंधुदुर्ग जिल्ह्यातील देवळी समाजातील वधू वर सूचक मेळावाही या कार्यक्रमाच्या निमित्ताने आयोजित करण्यात आला आहे. या कार्यक्रमासाठी देवळी समाज हितवर्धक मंडळ सिंधुदुर्ग चे अध्यक्ष राजन नाईक, माजी अध्यक्ष सावळाराम अणावकर, उपाध्यक्ष रमेश पिंगुळकर, रमेश नरसूले व इतर मान्यवर उपस्थित राहणार आहेत. याबाबत रविवारी मालवण येथील तालुका कार्यकारणी सभेत कार्यक्रमाचे नियोजन करण्यात आले. यावेळी मालवण तालुकाध्यक्ष श्रीकृष्ण तळवडेकर, सचिव रमेश चौकेकर, कार्यकारिणी सदस्य दादा परुळेकर, सुदेश मालवणकर, दीपक किर्लोसकर, हरिश्चंद्र तळवडेकर, वसंत वराडकर, अनिल तोंडवळकर, आदी उपस्थित होते. तालुक्यातील विद्यार्थी व समाज बांधवांनी उपस्थित राहण्याचे आवाहन अध्यक्ष श्रीकृष्ण तळवडेकर यांनी केले असून कार्यक्रमाच्या अधिक माहितीसाठी अनिल तोंडवळकर :-9403073534 यांच्याशी संपर्क साधावा.
