पोईप विभागातील विविध विकास कामांवर चर्चा ; जिल्हाप्रमुख दत्ता सामंत यांच्यासह अन्य पदाधिकारी उपस्थित
संजय माने | पोईप : शिवसेना उद्धव बाळासाहेब ठाकरे पक्षाचे उपजिल्हाप्रमुख तथा पोईप येथील उद्योजक पंकज वर्दम यांनी शनिवारी आमदार निलेश राणे यांची पोईप येथे सदिच्छा भेट घेतली. यावेळी विभागातील विविध विकास कामांवर चर्चा करण्यात आली.
आमदार निलेश राणे हे शासकीय कार्यक्रम निमित्ताने पोईप येथे आले असता पंकज वर्दम यांनी भेट घेतली. यावेळी विभागातील विकास कामांवर त्यांनी आ. राणे यांच्याशी चर्चा केली. यावेळी शिवसेना जिल्हाप्रमुख दत्ता सामंत, तालुकाप्रमुख राजा गावडे, शहरप्रमुख दीपक पाटकर, माजी वित्त व बांधकाम सभापती अनिल कांदळकर, संतोष साटविलकर, माजी सभापती राजेंद्र प्रभुदेसाई, मंदार लुडबे, दादा नाईक, कमलेश प्रभू यांच्यासह शिवसेनेचे अन्य पदाधिकारी व कार्यकर्ते उपस्थित होते.
