पोलिसांनी माहिती देताना सांगितले…
मालवण | प्रतिनिधी : मालवण पोलीस ठाणे हद्दीत कर्ली नदी पात्रात काळसे बागवाडी दरम्यान अनोळखी पुरुष मृतदेह स्थानिकांना दिसून आला. याबाबत पोलिसांना माहिती देण्यात आली. पोलीसांनी मृतदेह ताब्यात घेऊन जिल्हा रुग्णालय येथे ठेवला आहे. याबाबत मालवण पोलीस ठाण्यात नोंद करण्यात आली आहे. शनिवारी सायंकळी हा मृतदेह स्थानिकांना दिसून आला. सडलेल्या स्थितीतील हा मृतदेह तीन ते चार दिवसांपूर्वीचा असावा अशी शक्यता वर्तवण्यात आली आहे. मृत व्यक्तीचे वय अंदाजे 35 ते 40 वर्षे असून
अंगावर लालसर नारंगी रंगाचे जॅकेट असून करडे रंगाचा टीशर्ट आहेत. तर काळया रंगाची पॅन्ट आहे. परिसरात कोणी बेपत्ता आहे का याबाबत पोलीस माहिती घेत आहेत. तपास सुरु आहे. अशी माहिती मालवण पोलीस निरीक्षक प्रवीण कोल्हे यांनी दिली.
