अपघात विमा ही मिळवून देणार : शिवसेना जिल्हाप्रमुख दत्ता सामंत यांची माहिती
मालवण | प्रतिनिधी : नारिंग्रे येथील रिक्षा आणि एसटी बस यांच्यात झालेल्या भीषण अपघातात आचरा येथील संकेत सदानंद घाडी (वय ३५, आचरा वरचीवाडी), संतोष रामजी गावकर (वय ३५, आचरा गाऊडवाडी), रोहन मोहन नाईक (वय ३५, आचरा गाऊडवाडी) आणि सोनू कोळंबकर (वय ४५, आचरा पिरावाडी) यांचा दुर्दैवी मृत्यू झाला. तर रघुनाथ बिनसाळे हे गंभीर जखमी झाले. त्यांच्यावर उपचार सुरु आहेत. या सर्व कुटुंबियांच्या सोबत आमदार निलेश राणे आहेत. त्या कुटुंबियांना अपघात विमा मिळवून देण्यासाठी आमदार निलेश राणे यांच्या मार्गदर्शनाखाली कार्यरत असल्याचे शिवसेना जिल्हाप्रमुख दत्ता सामंत यांनी माहिती देताना सांगितले.
आचरा सरपंच जेरोन फर्नांडिस सातत्याने आमदार निलेश राणे, जिल्हाप्रमुख दत्ता सामंत यांच्या संपर्कात असून घाडी, गांवकर, नाईक, कोळंबकर, बिनसाळे कुटुंबियांना मदत मिळवून देण्यासाठी प्रयत्नाशील आहेत. सर्व कुटुंब आपले कुटुंबीय असून आमदार निलेश राणे, शिवसेना जिल्हाप्रमुख दत्ता सामंत त्यांच्या सोबत आहेत. अशी माहिती सरपंच जेरोन फर्नांडिस यांनी दिली.
