मालवण | प्रतिनिधी : शिवसेना पक्षाचा ५९ वा वर्धापनदिन मालवण कार्यालय येथे हिंदुहृदयसम्राट बाळासाहेब ठाकरे व धर्मवीर आनंद दिघे यांच्या प्रतिमेचे पूजन करून जिल्हाप्रमुख दत्ता सामंत यांच्या प्रमुख उपस्थितीत साजरा करण्यात आला. दरम्यान, कुडाळ, मालवण, देवगड, कणकवली तालुक्यात विविध सामाजिक उपक्रम घेण्यात आले.
शिवसेना मुख्यनेते तथा महाराष्ट्र राज्याचे उपमुख्यमंत्री एकनाथ शिंदे यांच्या नेतृत्वात शिवसेना जोमाने वाढत आहे. सर्वत्र पक्ष प्रवेश सुरु आहेत. सिंधुदुर्ग जिल्ह्यात मालवण कुडाळ तालुक्यात आमदार निलेश राणे यांच्या कार्यावर प्रेरित होऊन पक्ष प्रवेशाचा धमाका सुरु आहे. शिवसेनेत सर्व पदाधिकारी कार्यकर्ते यांच्या मेहनतीने प्रामाणिक कामाने सर्वत्र शिवसेना वाढत आहे. आमदार निलेश राणे यांच्या नेतृत्वात हे सर्वांचे श्रेय आहे.
विकासकामेही गतिमान होत आहेत. जिल्ह्यात खासदार नारायण राणे, पालकमंत्री नितेश राणे, आमदार निलेश राणे, आमदार दीपक केसरकर यांच्या माध्यमातून गतिमान विकास सुरु आहे. विकासाची ही गती अशीच कायम राहील. असे दत्ता सामंत यांनी सांगितले.
यावेळी शिवसेना महिला जिल्हाप्रमुख दीपलक्ष्मी पडते, शिवसेना सांस्कृतिक विभाग जिल्हाप्रमुख भालचंद्र केळूसकर, शिवसेना जिल्हा सरचिटणीस दादा साईल, उपजिल्हा प्रमुख अरविंद करलकर, तालुकाप्रमुख राजा गावडे, तालुकाप्रमुख विनायक बाईत, मालवण शहरप्रमुख दीपक पाटकर, उपतालुकाप्रमुख बाळू नाटेकर, महेश सारंग, देवली सरपंच शाम वाक्कर, अरुण तोडणकर, राजू बिडये, मंदार लुडबे, वेरली सरपंच धनंजय परब, शंकर चव्हाण, अनंत भोगले, प्रशांत परब, शानू वालावलकर, भाई मांजरेकर, युवतीसेना जिल्हाप्रमुख सोनाली पाटकर, रेवती राणे, श्रुती वर्दम, जिल्हा समन्वयक अंजना सामंत, महिला तालुका प्रमुख मधुरा तुळसकर, तालुका समन्वयक कविता मोंडकर, उपतालुका प्रियांका मेस्त्री, प्रियांका कुमावत, रिया कुबल, शीला लाड, गीता नाटेकर, शुभांगी परब, रश्मी तुळसकर, अल्पसंख्यांक शहरअध्यक मार्टिन फर्नांडीस, लुद्दीन फर्नांडिस, शुभांगी परब यांसह अन्य पदाधिकारी उपस्थित होते.
फोटो : शिवसेना वर्धापन दिन आमदार निलेश राणे जनसंपर्क कार्यालय मालवण येथे जिल्हाप्रमुख दत्ता सामंत यांच्या प्रमुख उपस्थितीत साजरा करण्यात आला. (अमित खोत, मालवण)
