२० व्यापाऱ्यांकडून सुमारे ५० किलो प्लास्टिक पिशव्या जप्त
वैभववाडी : वैभववाडी नगरपंचायतीच्या वतीने प्लास्टिक बंदीची मोहिमेअंतर्गत धडक कारवाई करत शहरातील २० व्यापाऱ्यांकडून सुमारे ५० किलो प्लास्टिक पिशव्या जप्त केल्या. यातून चार हजार रुपये दंड वसूल करण्यात आला.
एकल वापर प्लास्टिक बंदी मोहिमे अंतर्गत प्लास्टिक मुक्त वाभावे वैभववाडी नगरपंचायतीच्यावतीने मुख्याधिकारी प्रतीक थोरात यांच्या नेतृत्वाखालील पथकाने बुधवारी आठवडा बाजार दिवशी ही कारवाई केली. ही कारवाई पुढे चालू राहील असे नगरपंचायतच्यावतीने सांगण्यात आले.
यावेळी एकल वापर प्लँस्टिक न वापरणे बाबत मार्गदर्शन करण्यात आले. यावेळी स्वछता निरीक्षक सतीश सांगवेकर, शांताराम पवार, प्रवीण घाडी, मधुकर इंदप, सुनील निकम, देवानंद माने, संदीप घाडी आदी कर्मचारी या पथकात होते.
