पुण्यश्लोक अहिल्याबाई होळकर यांची ३०० वी जयंती चौके ग्रामपंचायत कार्यालयात साजरी
चौके : पुण्यश्लोक अहिल्याबाई होळकर यांची ३०० वी जयंती चौके ग्रामपंचायत कार्यालयात साजरी करण्यात आली. यावेळी गावातील दोन कर्तृत्ववान महिला श्रीमती प्राची प्रशांत कुबल आणि श्रीमती विशाखा विजय पार्टे यांना अहिल्याबाई होळकर सन्मानपत्र, सन्मान चिन्ह, शाल श्रीफळ देऊन सन्मानित करण्यात आले. जेष्ठ महिला नीरा सावंत यांच्या हस्ते अहिल्याबाई होळकर यांच्या प्रतिमेला पुष्पहार अर्पण करण्यात आला.
चौके आशा स्वयंसेविका सौ. सिध्दाली संतोष गावडे यांना सर्वोत्कृष्ट आशा स्वयंसेविका मालवण तालुक्यातील पुरस्कार मिळाल्याबद्दल सत्कार करण्यात आला. तसेच चौके हायस्कूल मधून १० वी परीक्षेत प्रथम तीन क्रमांक मिळविलेल्या विद्यार्थ्यांचा सत्कार करण्यात आला.
यावेळी सरपंच पी के चौकेकर, ग्रामपंचायत सदस्य, तंटामुक्ती अध्यक्ष नितीन गावडे, पत्रकार संतोष गावडे, सेवानिवृत्त मुख्याध्यापक विजय चौकेकर, श्रीमती नीरा सावंत, अंगणवाडी सेविका, मदतनीस, सीआरपी सौ. गावडे, ग्रामसंघ अध्यक्ष सौ. गावडे, ग्रामस्थ, ग्रामपंचायत कर्मचारी उपस्थित होते.
यावेळी सरपंच पी. के. चौकैकर यांनी मार्गदर्शन केले तर विजय चौकेकर, पत्रकार संतोष गावडे, तंटामुक्ती अध्यक्ष नितीन गावडे , सत्कारमूर्ती यांनी मनोगत व्यक्त केले. कार्यक्रमाचे सूत्रसंचालन सुविधा गावडे यांनी केले तर आभार मेघा वराडकर यांनी मानले.
