देवगड : श्री विठ्ठल रखुमाई मंदिर तारामुंबरी व ग्रामस्थ आयोजित श्री संत सोपान काका महाराज आषाढी पायीवारी पालखी दिंडी सोहळ्याचे आयोजन दिनांक 19 जून ते 7 जुलै 2025 रोजी करण्यात आले आहे. श्री क्षेत्र तारामुंबरी देवगड ते श्री क्षेत्र सासवड ते श्री क्षेत्र पंढरपूर असा पायी दिंडीचा मार्ग आहे.
श्री.संत सोपान काका महाराज पायी वारी पालखी सोहळ्यात देवगड तालुक्यातून तारामुंबरी विठ्ठल मंदिर ते सासवड मार्गे (रजि.दिंडी क्र.८२) प्रथमच पंढरपूर पायी दिंडी सोहळ्याचे आयोजन करण्यात आले आहे. यामुळे कोकणातील वारकरी व भाविकांसाठी आषाढी एकादशी निमित्त पंढरपूर दर्शनासाठी वारीमध्ये सामील होता येणार आहे.
या पालखी दिंडी सोहळ्याचे निमंत्रण श्री विठ्ठल रखुमाई मंदिर व ग्रामस्थ क्षेत्र तारामुंबरी यांच्या वतीने पालकमंत्री नितेश राणे यांना देण्यात आले आहे.
श्री संत सोपान काका महाराज पायी वारी केवळ एक धार्मिक यात्रा नसुन संस्कृती, श्रध्दा, आणि भक्तिचा संगम आहे.तरी जास्तीत जास्त भाविकांनी पालखी दिंडी सोहळ्यात सहभागी होऊन विठ्ठल नामाचा गजर करत आपण सारे पंढरीस जाऊयात असे आवाहन श्री विठ्ठल मंदिर तारामुंबरी ग्रामस्थ सोहळ्याचे अध्यक्ष नामदेव तळवडकर यांनी केले आहे.
