मंत्री नितेश राणे : स्थानिक मच्छीमारांचा पारंपरिक व्यवसाय गिळंकृत करण्याचा प्रयत्न करणाऱ्यांवर कडक कारवाई करण्याचे अधिकाऱ्यांना निर्देश
मुंबई : भाऊचा धक्का येथील स्थानिक मच्छीविक्रेत्या भगिनींना बांगलादेशी व घुसखोर रोहिंग्यांकडून मारहाण झाल्याचा प्रकार समोर आला. या घटनेची तातडीने दखल घेत मत्स्य व्यवसाय तथा बंदरे विकास मंत्री नितेश राणे यांनी भाऊचा धक्का येथे भेट देऊन स्थानिक मच्छीमार बांधवांशी संवाद साधला.
दरम्यान, घुसखोर बांगलादेशी आणि रोहिंग्यांकडून भाऊचा धक्का येथील स्थानिक मच्छीमार बांधवांचा पारंपरिक व्यवसाय गिळंकृत करण्याचा प्रयत्न करणाऱ्यांवर कडक कारवाई करण्याचे निर्देश संबंधित अधिकाऱ्यांना दिले.
भाऊचा धक्का येथील स्थानिक मच्छीमार बांधवांचा पारंपरिक व्यवसाय गिळंकृत करणारा एकही बांगलादेशी रोहिंग्या घुसखोर यापुढे इथे दिसता कामा नये. असेही मंत्री नितेश राणे यांनी ठणकावले.
भाऊचा धक्का येथे बांगलादेशी व रोहिंग्यांकडून मत्स्यव्यवसायात होणाऱ्या घुसखोरीसंदर्भात मच्छीमार बांधवांशी संवाद साधत ठाम भुमिका मंत्री नितेश राणे यांनी मांडली. यावेळी हिंदुत्ववादी विचारांचे कार्यकर्ते तसेच स्थानिक मच्छीमार बांधव मोठ्या संख्येने उपस्थित होते.
