तीन दिवस बंद असलेली शिवापूर, वसोली आंजिवडे, दुकानवाड वाहतूक पुर्व पदावर
शिवापूर पंचक्रोशी मधील वीज व बीएसएनएल सेवाही पूर्ववत
माणगाव : सिंधुदुर्ग जिल्ह्यात सर्वत्र कोसळणाऱ्या अवकाळी पावसामुळे अनेक ठिकाणी मोठे नुकसान झाले आहेत. काही ठिकाणी आपत्ती स्थिती निर्माण झाली आहे. दुकानवाड पुलाचे काम अर्धवट राहिल्यामुळे शिवापूर, वसुली आंजिवडे दुकानवाड, साकिर्डे, अशा गावांना जाण्यासाठी असलेला मार्गच बंद झाला होता. दरम्यान या प्रशनी आमदार निलेश राणे यांनी तात्काळ कार्यवाही करण्याबात सूचना केल्या. जुना वापरता पूल पूर्ववत सुरू करून द्या यांसह अन्य सूचना नंतर प्रशासनाची यंत्रणा अधिक सक्रिय झाली. गाळाने भरलेला हा पूल परिसर मोकळा करण्यात आला व वाहतुकीस मार्ग खुला करण्यात आला. दरम्यान या भागातील खंडित असलेला वीज पुरवठा आणि बीएसएनएलची मोबाईल रेंज सुद्धा पूर्वरत करण्यात आली. त्यामुळे शिवापूर पंचक्रोशीतील जनतेकडून आमदार निलेश राणे यांचे आभार मानले जात आहेत.
